SILVOPAST impulsa a agroecoloxía en Europa
O grupo SILVOPAST, pertencente á Agrupación Estratéxica do Campus Terra da USC, BioReDes, lidera en España o proxecto a favor da transición agroecolóxica AE4EU, un programa coordinado polo Instituto Superior de Agricultura Rhône-Alpes e financiado con dous millóns de euros de fondos europeos que contempla a creación dunha rede europea de laboratorios vivos agroecolóxicos.
Este proxecto de impulso das prácticas agroecolóxicas en Europa reúne entre os seus participantes a doce socios de diversos países do vello continente, un consorcio que traballará ao longo de tres anos ata 2023 co obxecto de apoiar e impulsar un marco para desenvolver unha rede europea de laboratorios vivos agroecolóxicos, ademais de novas infraestruturas de investigación e espazos de aprendizaxe para agricultores, así como para investigadores e demais actores da sociedade civil.
*Foto propiedade do Grupo SILVOPAST.