A Facultade de Veterinaria acolle un seminario sobre a identificación de xenes de relevancia implicados na infección do tracto urinario en E. coli uropatoxénicos
O seminario terá lugar o 6 de febreiro ás 16 horas na Sala de Xuntas da Facultade de Veterinaria.
A Dra. Ana Ferreiro Fresno impartirá o seminario titulado "Identificación de xenes de relevancia implicados na infección do tracto urinario en E. coli uropatogénicos".
Esta investigadora leva desenvolvendo a súa carreira científica desde hai case 10 anos en Dinamarca. Actualmente é Profesora da Universidade de Copenhage, no Department of Veterinary and Animal Sciences, Faculty of Health and Medical Sciences, onde está involucrada, entre outros nun proxecto sobre vacinas fronte a E. coli enterotoxigénicos, Lawsonia intracellularis e Brachyspira pilosicoli para tratar porcos con “diarrea post- destete”.
Esta charla está centrada na metodoloxía TraDIS ( transposon- directed insertion site sequencing), desenvolta por poucos grupos a nivel mundial. Nesta metodoloxía conxúganse: mutaxénese, construción de bibliotecas de transposóns (xenómica) e infección en modelo animal (murino).