O potencial da tecnoloxía xenética para mellorar a produción acuícola, protagonista dunha conferencia na Facultade de Veterinariacuícuola, protagonista de una conferencia en la Facultad d
A Facultade de Veterinaria acollerá este relatorio o vindeiro martes 11 de xuño, ás 12.00 h, na súa Sala de Xuntas.
A Agrupación Estratéxica de Investigación do Campus Terra da USC, BioReDes, convida o profesor da Universidade de Edimburgo Ross Houston para que imparta unha conferencia sobre o potencial da tecnoloxía xenética na acuicultura.
O profesor Houston dirixe un programa de investigación sobre xenética da acuicultura no Instituto Roslin, cun enfoque en innovación en mellora selectiva e mellora xenética. Os seus principais intereses de investigación inclúen (i) desenvolvemento e aplicación de ferramentas xenómicas para especies acuícolas, incluíndo secuenciación e anotación funcional de xenomas; (ii) selección xenómica para trazos comercialmente relevantes en programas de mellora, con foco na resistencia a enfermidades; e (iii) descubrir e probar variantes xenómicas que causan resistencia a enfermidades usando Edición CRISPR /Cas9 in vitro e in vivo.